شرح لفرش زويفا مجموعة العيون | zoeva eye brush set

السلام عليكم ..

عُدنا والعود أحمد .. رجعت بتدوينة جديدة والأهم بعد انقطاعي عن التدوين رجعت بشكل جديد للمُدونه ، اتمنى انه اعجبكم وحبيتوه .

بتكلم اليوم عن افضل فرش عيون جربتهم شخصياً بسعر مناسب جدا مقارنه بجودتها .

وهي فرش ماركة - زويفا -

وهي ماركة ألمانية - ملاحظة انا دائما اقدر كل المنتجات الألمانيه لاني ماقد جربت منتج ألماني ولا صار ممتاز . . تحيه لهم و لإخلاصهم .

طبعاً الماركه عندها كثير انواع فرش للوجه والعيون وكلهم ممتازه . وحتى عندهم باليتات شدو وبلشرات بس للحين ماجربتهم بصراحه .

بس انا بتكلم عن فرش العيون . وهي تنباع بالحبه ومجموعه .

عندهم كذا مجموعه ، اذا انتي تستخدمين استخدام شخصي انصحك تاخذين مجموعه صغيره تكفيك . بس انا كخبيرة تجميل اخذت مجموعة فرش العيون الكامله.

نوع شعر الفرش يتنوع بين الطبيعي والصناعي حسب استخدامك لها ..

راح ابدا اشرح انواع الفرش واسمها من الافضل والاهم بالنسبة لي للأقل . وطريقة استخدامي لها .

228 Luxe Crease -

من اهم الفرش بالنسبه لي وهي فرشة دمج كبيره شوي ، اساسية عندي ابدا فيها دائماً توزيع الشدو خصوصا لما استخدم اللون الانتقالي . استخدمها بعد لو كنتمستعجله وحابه استخدم لون واحد على كامل الجفن بشكل سريع .

227 Luxe Soft Define -

فرشة دمج بحجم اصغر شوي من اللي فوق ، اعتبرها افضل فرشة دمج جربتها خصوصا بعد كم استخدام اصير احبها اكثر . حجمها الصغير يساعدني ادمجاللون بكسرة العين ويعطيني تدرج حلو . بعد لو مساحة جفنك صغير تقدرين تستخدمينها لتوزيع اللون الانتقالي .

142 Concealer Buffe -

فرشة استخدمها لتوزيع الكونسيلر تحت العين ، وبعض الاماكن بالوجه مثل حول الفم والانف .. وأوزع فيها برايمر الشدو .

-

317 Wing Line -

هذي الفرشة اساساً استخدامها للآيلاينر . بس انا بصراحه احبها مره مره للحواجب ، لانها افضل فرشه ترسم لي الحواجب شعره شعره وتعطي شكل شعراتطبيعيه جداً .

-

231 Luxe Petit Crease -

فرشة خاصه لكسرة العين ، اذا تبين تغمقين اللون بهالمنطقه بحيث مايتداخل ويساعد انه يكون متدرج اللون . 

انا اوزع فيها وادمج بنفس المنطقه . 

حلوه لميك اب - الكت كريس - 

-

230 Luxe Penci -

فرشة القلم ( بالعربي كذا اسمها ) تساعدك على تحديد الشدو تعطيك نتيجه محدده ودقيقه اكثر من الفرشه اللي قبل .

استخدمها اوقات بعد للخط الرمشي سواء تحت او فوق .

-

234 Luxe Smoky Shader -

أوزع فيها الشدو الاساسي او باودر الوجه على كامل الجفن ، او اللون اللون الفاتح تحت الحاجب .

-

237 Detail Shader :

اكثر استخدام احبه للهالفرشه اني اوزع فيها الشدو على خط الرمش من تحت . او الاضاءه عند مدمع العين .

-

315 Fine Liner - 

اكثر سؤال يجيني دائما .. بإيش ترسمين مدمع العين ؟ 

والجواب اني استخدم هالفرشه مره دقيقه وحلوه برسم مدمع العين استخدم معها كل لاينر ( ميك اب قيك ، كيكو ، انجلوت ...)

-

322 Brow Line -

فرشة الحواجب حلوه بعد . كنت استخدمها اول كثير بس احس ناقصها مشط للحاجب وتصير بيرفكت .

وبصراحه بعد ماصرت استخدم هذيك الفرشه سحبت على هذي .

-

226 Smudger -

استخدمها قليل هالفرشة . هي تستخدم لتمويه الشدو ودمجه .

-

224 Luxe Defined Crease -

هذي الفرشة شعرها خفيف وماستخدمها الا نادر مدري ليه ماحسها مهمه . بس اكثر شي استخدمها لو بدمج لون قوي ماندمج معي

او انفض فيها اللوس باودر .

-

هذي هي فرش مجموعة العين كاملة .. ومثل ماقلت ماتحتاجون المجموعة كامله إذا استخدام شخصي .

الماركة بعد عندهم فرش للوجة بجوودة مممتازه , تنافس ماك وميك اب فورايفر .

والشعر طبيعي ..

-

بالنسبة لطريقة الطلب 

تقدرون من خلال موقعهم أتوقع فيه الحين شحن مباشر للسعودية

حتى الاسعار صارت موضحه بالريال :

https://www.zoevacosmetics.com/

-

هنا موقع ثاني يتوفر عندهم فرش زويفا وقد طلبت منه بعد :

https://www.love-makeup.co.uk/zoeva-m-100.html

أتنمى انكم استفدتوا من التدوينة .

ولاتبخلون علي بتعليقاتكم ..