جهاز أولاي لتنظيف البشرة | Olay pro x

كثير مرا تجيني اسئلة عن فرشة التنظيف من أولاي .

في البداية انا ماشريتها كذا بس ، لا 

انا شفت كايلي اللي في اليوتيوب تستخدمها وقالت انها تستخدمها من زمان ومرا تحبها وماستغني عنها ، فعشان كذا جربتها .

وخصوصاً اني ماكنت مقتنعه مرا بكلارسونيك . 

انا طلبتها من زمان ، بس الحين متوفره بالصيدليات الكبيرة والسوبر ماركت .

الشركة تقول عن الجهاز .. انه تم انتاج الجهاز مع التعاون مع خبراء واطباء الجلدية والتناسليه .

والجهاز ينظف البشره مع تقشير لطيف ويزيل كل الزيوت والشوائب والمكياج بلطف ، ومع الوقت تحارب الشيخوخة وعلامات تقدم السن ، كما انه ينظف البشره افضل باربع مرات من التنظيف العادي.

والشركة تضمن رضا المستخدمين الكامل للمنتج  

وتعد برد المال اذا ماعجبكم المنتج يعني .

*وسلامتكم ههههه *

**

كل اللي فوق هذا كلام شركة اولاي عن منتجها . بس بحكي لكم عن الجهاز وتجربتي معه . 

الجهاز يجي بكرتون صغير احمر . يكون فيه الجهاز طبعاً وفرشة تنظيف وحدة وبطارية وغسول *الغسول ماستخدمته الا مرا ممكن لان عندي غسول* .

بالنسبة لطريقة عمل الجهاز هو يعمل بطريقة الدوران *مو مثل كلاريسونك بالذبذبه* وفيه سرعتين وحده اعلا والثانيه اخف ، وتقدرين تستخدمينه تحت المويا لانه مضاد للماء .

والبطارية تججلس اكثر من سنه ماتخلص ماشاءالله .

ومثل ماقلت فوق ان الجهاز تجي معه فرشة تنظيف وحده وانتِ تحتاجين تغيرينها كل 4 الى 5 شهور تقريباً او كل ماحسيتي ان الفرشة تلفت 

انا اخذ قطع الفرش من سوبر ماركت لولو وكانت عباره عن رأسين فرش وسعرها ماتذكره بالضبط بس كان رخيص . والفرشة حجمها صغير متوسط مناسب للوجه .

اذا بتكلم بتجربتي ورأي بالجهاز، بصراحه انا لي الحين سنه تقريباً استخدمه ولاحظت الفرق والنظافه ببشرتي بداية استخدامي للجهاز لاني كنت منتظمة عليه واستخدمه يومياً بعدين صرت عجازه واستخدمه كم مرا بالاسبوع ، بس الجهاز خفيف عالبشرة يعني لما استخدمه كل يوم مرا بالليل مثلاً احس ممتاز وبشرتي تحسنت مو مثل بعض فرش التنظيف اللي يكون تنظيفها قوي وتستخدم بس ثلاث او مرتين بالاسبوع , لا حق اولاي يومياً استخدمه واحس بالنظافة ، واذا كنت بشيل الميك اب استخدم السرعه الاقوى وتشيل كل الميك اب من قلللب وتطلع كل الالوان . 

اخر شيء اشوف ان الجهاز بديل ممتاز لفرشة كلاريسونك للبنت اللي ماعندهها ميزانية لان سعر فرشة اولا ( 150 ) ووممكن ارخص بعد

مقارنة بسعر كلاريسونك ( 600 ) ريال .. عن نفسي ماجربت كلاريسونك بس فيه كثير يقولون انو اولاي تعطي نتيجه والبعض يقول ان كلاريسونك افضل .

عن نفسي احس اشوف ان كلاريسونك تنظيفها اقوى واولاي اخف *مجرد احساس لا تتوهقون*

أي استفسار أنا حاضره .