السلام عليكم ..
كيفكم !
بخبركم قصتي من البداية انا كنت ادور علئ بيبي كريم او سيسي كريم تكون تغطيته حلوه وبنفس الوقت مايأثر علئ بشرتي !
كنت احتاجه للجامعه ...
دورت كثير وبعضها سعرها غالي والبعض التغطيه خفيفه جدا ماتكاد تبين
واخر شيء شفت ماركة برجوا منزلين سيسي كريم ومعرروف ان السيسي الكريم يعتبر معالج اكثر
وانا شخصياً اثق بهالماركه ومن اكثر الماركات اللي احبها لان اغلب الاشياء اللي اجربها من عندهم تكون رائعه ولا مرا اثرت علي
عالعموم اخذته وفيه منه عدت درجات اختاري اللي يناسبك
طيب بحكي الحين عن العيوب والمميزات .
المميزات :
١/ مصحح للبشره يعني يخفي الاحمرار والاصفرار وكل هالالوان ويخفف من منظر الهالات بشكل بسيط
٢/ خفيف عالبشره ماحسيته يكتم بشرتي ابد
٣/ تغطيته اعتبرها متوسطه وهذا شيء رائع اشوفه انا لاني استخدمه للدوام
٤/ فيه نسبة حماية من الشمس ب١٥
٥/ مناسب للبشرات الحساسه او اللي عامله تقشير
٦/ متوفر بعدة درجات
العيوب :
مالاحظت فيه عيوب ازعجتني بس ممكن لان بشرتي دهنيه احسه يدهن شوي فاذا كانت بشرتك دهنيه فانتي تحتاجين باودر بعده
وبالنسبة لطريقة استخدامي له ، اوزع منه كمية خفيفه بفرشة الكابوكي او اسفنجه اللي يريحك كلهم فعالات بالنسبه لي
اخر شيء اذا كنتي تحتاجين حاجه ماتضر بشرتك واستعمال يومي او طلعات خفيفه انصحك فيه وبقوه
اماكن الشراء :
- دبنهامز
- وجوه
- سنتر بوينت
- صيدلية بوتس ، وايتس
السعر :
قرابة ال٧٥ ريال تقريبا
* مو متاكدة *
Post a Comment