كريم الاساس آير مات من برجوا | air matte foundation bourjois

شركة برجوا نزلوا الفتره الاخيره فاونديشن جديد بأسم - air matt - 

بقولكم أولا عن كلام الشركة عن هالفاونديشن : 

الشركة تقول ان الفاونديشن راح يضل ثابت لمدة 24 ساعه 

يعطي البشرة تغطيه رائعه عاليه وبنفس الوقت مايكون ثقيل عالبشرة ويسد البشرة بالعكس يخلي البشرة تتنفس ، مع نهايه مطفيه .

هذا كلام الشركة الحين بقولكم رايئ : 

الفاونديشن قوامه يميل ليكون كريمي على سائل 

التغطيه اشوفها متوسطه الى عاليه بس انا احاول احط كميه قليله عشاني ماحتاج تغطيه عاليه واشوفه خفيف عالبشرة وبتغطيه تعتبر عاليه وهذا شيء حلو . رائحته لطيفه ، يعطي نهايه مثل ماذكرت مطفيه يعني مافيها لمعه وبحكم انه مات فهو بالطبع مناسب للبشرة الدهنيه بالمركز الأول والمختلطه بعد . اما الجافه ممكن تستخدمه بعد ماترطب وجهها بمرطب ممتاز ، بس مانصح الجافه فيه لان فيه كريمات اساس افضل لها مثل الهيلثي مكس من برجوا ، ولو بشرتك جافه مرا ماراح يضبط معك ، وانا بحكم جفاف بشرتي من حبوب الروكتان ماضبط معي مرا الا يوم استخدمت كريم ستافيل المرطب للبشرة الجافه . 

يجي منه 6 درجات ومحلات برا يقولون منزلين عندهم ثلاث درجات زياده . عندي تقريباً كلهم لاني استخدمهم لزبايني . خصوصا اصحاب البشرة الدهنيه لاني اضمن ان شاءالله انه يثبت وما يدهن معهم . 

طريقتي بالتوزيع كانت بالفرشة وبعد كذا اطبطب بالبيوتي بلندر عشان تمتص الزائد ، وماثبت بباودر الا الكونسيلر فقط .

الباكيجينق يختلف عن باقي كريمات الاساس لبرجوا ، ماهو فيه علبه زجاجيه .. التعليب اقل مستوى من وجهة نظري كانه تعليب كريم وانا افضل علب الزجاجج وخصوصا ان فيها ضغاط *كذا اسمه صح* لانه اسهل لي شخصياً واعرف الكميه اللي احتاجها يعني ضغطتين تكفي لي ، اما فاونديشن اير مات بحكم ان الباكيجينق حقه مختلف ومافيه ضغاط فما اعجبني من هالناحيه .

الفاونديشن مانصح فيه للاستعمال اليومي ، مع انه تخلي البشرة تتنفس ومايسد المسام ، الا ان فيه كذا بنت استخدمته بشكل يومي وبعد فترة طلعت لها حبوب للاسف .

اخر شيء انصح فيه بقوه للدهنيه والمختلطه للمناسبات فقط .

لا تنسون تتابعوني في انستقرام وسناب تشات : 

Ghadeerblogger