مقشر فرانك | frank scrub review

التدوينه اليوم احس فيه كثير متحمسين لها ، لانها عن المقشر اللي هابين فيه العالم وهو ( مقشر فرانك ) وهو عباره عن مقشر القهوه من انتاج شركة استرالية . في البداية انا شفت وحده من التاجرات تبيعة وذكرت مزاياه وحسيت ان الموضوع فيه مبالغه وماصدقت ، بس دخلت على حساب الشركه في انستقرام وكانوا عارضين اغلب تجارب الناس مع المقشر بعد وقبل الاستخدام ، بصراحة الصور شدتني بشششكل كبير وهي اللي حمستني اطلبه وبسرعه 

--

--

--

شايفين كيف الصور والنتايج تحمس ؟

بعد كذا جلست ادور ريفيو البنات العربيات والاجانب وماحصلت يعني ريفيو كامل فيه معلومات وكذا *للمعلومية من زمان انا مرا جايبه منه*

اتوقع ممكن ماكانوا الناس يعرفون عنه ، حتى ريفيون الاجانب عنه قليل ويقولون انه ينعم من اول استخدام وحاجات بسيطة بس .

وقررت اطلبه وطلبته من موقعهم 

https://frankbody.com/

والشحن عن طريق سمسا - فيديكس سابقاً -

بس هالشركة احسها بطيئه وتاخذ وقت طويل . اول مرا وصلني بعد ثلاث اسابيع والمره اللي بعدها بعد شهرين !!

فيه عندهم ثلاث نكهات:

١/ القهوه الطبيعيه

٢/ وجوز الهند

٣/ التشوكلت 

٤ / النعاع

* افضل النوع العادي اللي بالقهوه*

واللي فهمته ان كل الانواع تعطي نفس النتيجة ، مابينهم اختلاف الا بسيط

كيف ممكن يفيد المقشر :

- يخفف علامات تمدد الجلد

- ويخفف السيلوليت

- والا كزيما

- وحب الشباب 

ومكوناته طبيعيه وعباره عن :

- بن القهوه

- زيت اللوز الحلو

- ملح البحر 

- ڤيتامين إي

وطريقة الاستخدام :

يستخدم بعد الشاور وتحطينه على كامل جسمك وتفركين وتركزين على اماكن اللي فيها مشاكل مدة خمس والى عشر دقائق وتغسلينه بالمويا . ويستخدم من ثلاث الى خمس مرات بالاسبوع .

كل المعلومات اللي ذكرتها فوق مذكوره بالموقع بس بحكي الحين عن تجربتي 

باول استخدام لي صورته وارسلته سناب وسالتني وحده من صاحباتي من وين جبته وخبرتها اني طلبته ، وقالت لي انها جربته لمدة ثلاث شهور واعطاها نتيجة ممتازه من ناحية علامات التمدد وتوحيد اللون والسيلوليت.

بعد كلامها تحمست زياده .

وصرت استخدمه مرتين بالاسبوع وبعض الاحيان مرا على حسب *ممكن لو انتظمت واستخدمته ثلاث مرات بحصل نتائج افضل*

طريقتي اخذ منه ملعقة بس تكفي كل جسمي واتحمم عادي وبعدها وجسمي مبلل احط منه على كل جسمي وافرك بحركات دائريه بخفه واركز الاماكن اللي ابغاها واخليه على جسمي عشر والا ربع ساعه واغسله بالمويا بس .. من اول مرا بتلاحظون نعومه وريحة الجسم قهوه خففيفه مرا 

طبعاً لازم لازم بعد الشاور استخدم مرطبب وافضل زبدة الشيا الخام او الجليوسليد الاحمر لان ترطيبهم عالي .

بالنسبة للنتيجة تلاحظونها مع الوقت والاستمرار وكثرت الترطيب وبصدق لاحظت علامات التمدد خفت بشكل لاحظته *ومثل ماقلت لو انتظمت اكثر بحصل نتيجة احسن* وبرضوا حتى السيلوليت خف *بس للمعلومية انا امارس الرياضه واكثر مويا* بس ماحسيت انها خفت الا مع المقشر بينت نتيجة افضل .. اما حب الشباب ماعندي بجسمي الحمدلله وتوحيد اللون ماحسيت المقشر يفتح او يوحد اللون ممكن التوحيد لاحظته من الترطيب .

عن نفسي مرا حبيت نتيجته خصوصا للسيلوليت صصدق ماكنت متوقعه انه بيصير فيه منتج ممكن يعالج هالمشكله او يخفف منها , وحتى علامات التمدد خفت طبعا الحمرا تروح اسرع من البيضاء .
خلصت مغلفين *اسمه كذا والا ظرف هههه* وطلبت اثنين زيادة , وترا الكمية تجلس عندك وقت طويل .

وأي استفسار انا حاضره .