افضل مسكارات من برجوا | Bourjois Mascara

من اكثر المسكارات اللي احبها من الدرق ستور هي من ماركة برجوا طبعا مو كل الانواع بس هالمسكرتين اعتبرهم الافضل من برجوا ومن كل ماركات الدرق الستور .

الاولى الفوشية اسمها :  

VOLUME GLAMOUR MAX DEFINITION MASCARA

في الموقع كاتبين عنها :

شعر فرشاتها دقيق جدا ومكون من 500 شعرة وتوصل لاصغر رمش ممكن 

وتعطيك حجم مضاعف للرمش ، وتعطي سواد كثيف ، ومناسبة للعيون الحساسة ومرتدين العدسات اللاصقة ، كما انها تحتوي على تركيبة الشمع الطبيعي .

--

رائي فيها :

فرشتها طويلة نحيفة نوعاً ما الشعيرات فيها قصيرة بلاستيكية متقاربه 

تعطيك كثافه جدا ، وتطويل للرموش 

بجد رائعه للمناسبات 

اول مرا استخدمتها كنت اقول لنفسي كاني مركبة رموش *طبعا ابالغ لاتصدقون ههه* بس كانت عاجبتني بشكل فضيع 

وشريت هالمسكارا يمكن ثلاث او اربع مرات حتى لما تنشف ما ارميها لان فرشتها رائعه بحيث لما تتكتل الرموش تمشطها لي بشكل رائع 

عيوب المسكارا :

 شخصياً اشوف ان اكبر عيب فيها انها ثقيلة وازالتها صعبه لي خصوصا انها ماتسيح لا تنزل على شكل قطع *يارب فهمتوا* 

فعشان كذا ماستخدمها استخدام يومي فقط اسبوعي او للمناسبات فقط . 

صورة تبين الفرق اللي تحدثه هالمسكارا .

**

الثانية باللون الفضي اسمها : 

VOLUME 1 SECONDE MASCARA

هذي من اسمها مسكارا الثانيه الواحدة يعني تعطيك شكل رائع للرموش من اول ثانيه * بس انا مايكفيني لازم كم طبقة *

في الموقع كاتبين :

انها تعطي رموشك شكل مختلف من غير اي تكتل وفرشتها حاصلة على براءة اختراع وتعطي الرموش التفاف رائع ، وتدوم لوقت طويل 

-- 

رأيي فيها :

فرشتها تعتبر نحيفة وطويلة وشعيرات قصيرة الى متوسطة الطول وبلاستيكية .

النتيجة : كثافة رائعه وتطويل للرموش 

رائعه جدا ومشابهه للفوشية بس احس هذي تعطي طول اكثر ، شريت منها حبة وحدة وعندي استعداد ارجع اشتريها لانها اعجبتني واعطتني شكل مختلف لرموشي وغيرت كثير .

العيوب :

لحد الان ماشوف فيها عيوب وازالتها بالنسبة لي اسهل من الفوشية .

صورة تبين الفرق اللي تحدثة هالمسكارا .

--

كل المسكاراتين اسعارهم متوسطة اقل من التسعين ريال تقريباً *كل يوم يزيدون في السعر*

اماكن الشراء :

- سنتر بوينت

- صيدليات بوتس ، وايتس