Makeup haul NYX , Coastal scent | مشتريات من كوستال سينتس ونكس

اليوم تدوينتي بتكون عن مشترياتي من نكس وكوستال سينتس ، هالمشتريات طلبتهم اون لاين من نفس مواقعهم وكانوا مسوين خصومات مرا حلوه فتحمست وطلبت كذا شغله وشحنتها على بريدي الامريكي عم طريق فيديكس واخذت تقريبا ثلاث اسابيع .

وفيه بعض المنتجات جربتها والبعض الى الان .

اولاً : مشتريات كوستال سينتس 

Blusher forever - حمرة فورايفر 

الخصومات مرا كانت تحمس فاخذت هالبلشر بخمس درجات وحاولت اخذ درجات ماهي عندي واول مرا اجربها وغامرت خصوصا انو كان سعرها رخيص بعد الخصم 3 دولار بس .

وجربتها مرا واعجبتني يبين معك اللون بسرعه مرا ونقطه تكفي وثباته متوسط .

التعليب كويس واعجبني التغليف حسيته بذمة وضمير خصوصاً انهم درق ستور .

--

Revealed palette 2 - باليت الشدو ريفيلد 

هذا يعتبر بديل لنيكد 3 ، الالوان فيه تشبه الوان نيكد كثير 

اخذته ب9 دولار واعتبره ببلاش لان هنا في التاجرات يبيعونه ب120.

تغلب عليه الوان الشيمر *اللمعة* اكثر ، جربته مرا وحده بس فما اقدر احكم عليه للحين.

--

Brushes - فرش

كانت لي تجربة سابقة مع فرش كوستال المجموعة واعتبرها ممتازة ، فرجعت واخذت هالفرشتين 

١/ فرشة الاستبلق 

٢/ فرشة الطلاء * كذا يسمونها لوول* 

كل الفرشتين حجمهم صغير وتقدرين تستخدمينهم باي مكان بالوجه ( حول العين ، الانف ...الخ) 

الفرشة الثانيه حبيتها مرا الكنتور الكريمي بس لسى ماجربتها ، خصوصاً حجمها مرا يساعد والشعر جداً ناعم 

--

ثانياً مشتريات من نكس - NYX's Products

Blushers - حمرة 

معروفة جودة بلشرات نكس ، فاخذت هالثلاث درجات ولسى ماجربتهم وفية درجة ضاربة عالرمادي ومتحمسة اجربها للكونتور .

Jumbo eye pencil -milk- 

هذا القلم جامبو من اشهر الاشياء عند نكس خصوصا درجة الميلك *ابيض* وكثير بلوقرز وميك اب ارتست يستخدمونها كبيس او هايلايت ، ودايم ما احصلها هنا فطلبتها من موقهم 

وجاري التجربة 

NYX soft matte lip cream 

هذي ارواج مات على شكل قلوسات , للحين ماجربتها بس كثير يمدحونها ومتحمسة لهم .

NYX simply nude

هذي ارواج تكون كريمية ودرجاتها نيود يعني تميل للالوان الطبيعية بدرجات لون البشرة تقريباً ورائعه مع السموكي آيز .

NYX lipstick - lipliner

كمان بعد اخذ روج بلون بينك فاقع شوي ممكن يناسب الصيف اكثر من هالوقت ، واخذت محدد بلون بني .

--

وبس هذي المشتريات واخر شيء انصحكم يابنات تستغلون الاوقات اللي تكون المواقع مسوية خصومات وتطلبون لانه اوفر كثير . 

NYX Website 

http://www.nyxcosmetics.com/ 

* اول ماتسجلين فية يعطونك كود خصم 25% * 

-- 

Coastal scent website 

http://www.coastalscents.com/