Virtual Domination blush palette - Nars 2014

 براند نارس للتجميل والعناية بالبشرة ، تم انشاء هذة العلامة التجارية على يد François Nars وهو خبير تجميل ومصور ، وكانت بداية في الشركة التسعينات مع ١٢ احمر شفاة فقط وفي نيويورك . ومن بعدها على شوي شوي توسعت الشركة وكبرت لين ماوصلت له هالحين 

وتميزت الشركة بتسميت منتجاتها * احسهم يتوهقون مايعرفون ايش يسمون وخربطون لوول* يعني يستخدمون اسامي دول او مصطلحات غريبة .

وهذي صورة المزيون صاحب شركة نارس .

--

Virtual Domination blush palette - Nars 2014

الحين بحكي عن تجربتي البسيطة مع نارس - باليت البلشر - هذا الباليت ليمتد اديشن يعني تنزلة الشركة فترة محدودة وخلاص 

وهذا اصدار لسنة 2014 .

اول مرا اجرب شيء من براند نارس ومرا اعجبتني ، تحمست اجيب اشياء منها واجرب اشياء اكثر .

طبعا هي من شركات الهاي اند واسعارها غالية تكون .

شكل الباليت من جوا وفية :

* هايلاتر اسمه - مس لايبيرتي - Miss Liberty Highlighting

* بلشر اسمة - سكس فانتزي - Blush in Sex Fantasy

* بلشر - ديب ثروت - blush Deep Throat

* بلشر - فاينل كوت - Blush final cut

* برونز -لاقونا-  Laguna Bronzing Powder

الهايلاتر جدا واضح وحبات اللمعه فيه احسها كبيرة وتبين بسرعه * يناسب للمناسبات الكبيره اكثر شيء * لاني احسة اوفر لاستخدام خفيف 

البلشرات تتنوع بين البينك والمشمشي واغلبها تبين طبيعيه وتناسب البشرات البيضاء والقمحية اكثر شيء *من وجهة نظري* 

والاهم هو برونز لاقونا المشهور مرا ، وحسيته يستاهل شهرته 

لونه يمل على الذهبي شوي يمكن عشان الشيمر اللي فيه بس بنفس الوقت الشيمر جدا خفيف راح يعطيك شكل نهائي رائع بدون اية مبالغة بالمظهر . اللي جربوا كذا برونز راح يعرفون ان البرونز يختلف فيه اللي يجي على رمادي وفية اللي على بني وفية اللي تكون مايلة على ذهبي ..الخ * شخصيا افضل اللي يميل على رمادي لانه يناسب البشرات البيضاء اكثر بس هذا البرونز خلاني اغير رايئ .

الباليت جدا رائع للاستخدام الشخصي وحجمة مناسب تاخذينة معك في الشنطة ماراح يضيق عليك 

وجودتة عالية جدا يبين معك اللون بسرعه نقطة تكفي والا بيكون شكلك مبالغ فية .

ويمير هالباليت ان حجم البلشر والبرونز تقريبا هو نفس الحجم العادي لكن بسعر ارخص كثير . يعني يستاهل قيمته وراح يضا عندك مدة طويلة

هذا سواتش يبين الالوان الموجودة في الباليت 

* مثل ماقلت انو مرا يبين معك اللون فشيء خفيف يكفي وهنا بالسواتش مستخدمة كمية كبيرة عشان توضح الالوان بس بالاستعمال الحقيقي راح يكون رائع * 

هذا سواتش انا سويتة بس مابينت الالوان بقوة مثل الصورة اللي فوق .

--

انصح بالباليت للي تحتاج دايم برونز وبلشر وهايلاتر وماتحب تنقل معها اغراض واجد * صدق يفك ازمة *

مكان الشراء :

اون لاين 

السعر :

 350 ريال تقريباً