الهالات السوداء حول العينين | dark circles

تدوينة اليوم بحكي فيها عن الهالات ومنطقة حول العينين وطريقتي والطرق الاخرى للعناية فيها .

اول شيء مشكلة الهالات اغلب الناس يعانون منها حتى فيه دراسة تشير ان كل 9 الى 8 من 10 اشخاص يعانون من الهالات فهذا شيء يعتبر عادي نوعا ما ولكن باختلاف درجاته 

منطقة حول العينين يغطيها ارق طبقة جلدية وهذي الطبقة تشمل تحت العين والجفن ، فبما انها طبقة رقيقة فهي افضل منطقة ممكن ان تعكس لون الدم من الاماكن الاخرى في الجسم .

الأسباب : 

غالباً ظهور الهالات يعني تعكر لون الدم وذلك يكون ب( الاكل الغير صحي ، التدخين ، عدم شرب الكفايه من المياه ، السهر ..الخ ) 

- ويمكن يكون وراثي 

- انخفاض ضغط الدم

- وقت الدورة لفقد المرأة كمية من دمها في كل شهر 

- الاجهاد

 واما الهالات التي يصاحبها سواد قوي جدا قد يكون الدم فيها محمل بغاز( ثاني اكسيد الكربون ) 

العلاج :

بما ان الهالات مشكلة منتشره بين اغلب الناس نلقى ان كثير من الاطباء والشركات حاولوا يعالجون هالمشكلة .

من تجربتي شخصياً العلاج لازم يكون من داخل الجسم بداية 

مثلاً :

- النوم لوقت مايقل عن ٨ ساعات وبالليل * السهر اعتبره المسبب الاول للهالات*

- اكل الاكل الصحي وخصوصا الغني بالالياف ( الخضار، الفواكة، الحبوب ...الخ )

- شرب كمية كافيه من المياء من 8 اكواب الى 10

* هذي الحلول كلنا اتوقع نعرفها بس من فينا يطبقها ؟ انا اشوف ان هذي الحلول من اكثر الحلول فعالية مو بس مع مشكلة الهالات لا وحتى مع كل مشاكل البششرة اللي تواجهك * 

العناية بالمنطقة :

بما ان هالمنطقة جلدها رقيق فتعاملنا معها راح يكون مختلف مع اي مكان ثاني ، لازم نكون حريصين ومانستخدم منتجات ماتناسب هالمنطقه ، مثلاً فيه كثير منتجات يكتبون عليها * تجنب الاستخدام حول العينين* هذي المنتجات ماتكون تناسب هالمنطقه ابدا .

اولا : الغسول :

بالنسبة للغسول او المنظف عادي استخدمي نفس المنظف تبع الوجه بشرط انه يكون يناسب هالمنطقه ومايسبب لها مشكلة . مرا شريت غسول وكان للبشرة الدهنية ومكتوب عليه نفس الشيء تجنب هالمنطقة وماستخدمته الا للوجة وتجنبت هالمنطقة 

ثانياً : كريمات العناية :

- الكريم الاول من Soskin

هو من شركة طبية فرنسية وصفته لي الدكتوره وجربته فترة طويلة نوعا ، هو يشد البشرة ويرطب ويخفف الهالات ، حبيت ترطيبه والنتيجة بينت معي تقريبا بعد ثلاث شهور بنسبة 25% .

--

 - جل من شركة كورية اسمها ciracle 

اسم المنتج Eye contour gel

في الموقع كاتبين ان هالمنتج يعالج الهالات والتجاعيد ويعتبر مرطب غني 

ومناسب للعيون الحساسة والجافة *لجميع انواع البشرة ايضاً*

ومن مكوناتة الجلسرين ، زين الخروع والكولاجين .

تستخدمينه في الصباح والمساء بعد التنظيف مع تجنب الجفون العليا وتحت الحاجبين ، وعادي تستخدمين فوقة كريمات ترطيب او كولاجين .

-المنتج مو متوفر هنا طلبته من امازون-

--

الكريم الثاني اسمة : eraser eye gel

من شركة dermgroup 

وهو اللي استخدمه حالياً وطبي من وصف الدكتوره *اظن ان الشركة امريكية* ، خبرتني الدكتورة انه اقوى من الكريم الاول ، مابينت معي النتيجة لانو لسى جالسة استخدمة بس احس انه يشد لي المنطقه اكثر من الترطيب . كاتبيم عنه انو يعالج الهالات والخطوط ويقلل الانتفاخ وعلامات الشيخوخة وفيه مواد مضادة للأكسدة بعد ، تستخدمينة بالليل قبل النوم وعادي اذا تبين تستخدمينة قبل المكياج مو مشكلة بس تجنبوه بالنهار لانهم كاتبين قبل النوم فممكن مايتحمل الشمس هالمنتج 

*انا شخصياً استخدمة قبل النوم وقبلة احذ السيروم اللي فوق *وعادي بدونة ماحس يفرق مرا*

ثالثاً : حماية المنطقة من اشعة الشمس .

الجلد كله بحاجة من للحماية من اشعة الشمس بس منقطة حول العين بسبب جلدها الرقيق فهي تتاثر بشكل اكبر ، عالعموم فيه بعض الاشخاص يتحسسون من واقي الشمس حول العين فانصحهم يستخدمون يا واقي مخصص هالمنطقة او واقي للبشرة الحساسه خصوصا ان الشمس تزيد من التصبغات والتجاعيد .

رابعاً : علاجات طبيعية للمنطقة :

هذي الاشياء طبيعيه وتساعد على اخفاء الهالات بشكل بسيط بس تحتاج وقت ، مثل :

- كمادات ماء الورد

- كمادات اكياس الشاي بدون سكر وتكون دافية لمدة 10 دقائق

- شرائح الخيار لمدة 15 دقيقة

خامسا : ماسكات حول العينين :

فيه ماسكات تشترينها جاهزه واشتهرت اغلب شيء عند المنتجات الكورية

مدري يمكن لاني اشوفها كثير عندهم .

عالعموم جربت بس واحد من ذا فيس شوب وبحكي عن تجربتي معه بس بشكل عام هالمسكات ماهي الا علاج مؤقت يعني اذا عندك مناسبة وتحسين ان هالاتك زايدة استخدميها قبل بيوم او نفس اليوم بالنهار .

هالماسك تستخدمينة تحت عينك بعد ماتنظفين المنطقة وتحطينة لمدة 30 دقيقة ، اممم صراحة احسه مو مرا كويس يعني ماراح ارجع اشترية لانه بس حسن المنطقة بنسبة بسيطة ممكن اجرب ماسكات من شركات ثانية .

الماسك الطبيعي .

اخر شيء بحكي عنه هو ماسك طبيعي واعتبره سر من اسراري * تحمست واجد والا * هالماسك قريت عنه من زمان بالنت وجربته ومرا فعال بس يبي استمرار .

مكوناته :

- اربع ملاعق صغار زبادي

- ملعقتين صغار قشطة طازجة 

- بياض بيضة

تخلطين المكونات مع بعض وبعد كذا تحطينها بعلبة وفي الثلاجة وتستخدمينه بعد التنظيف لمدة نصف ساعة ممكن لين ماتحسين ان الماسك جف .

ميزة هالماسك انك تقدرين تستخدمينة حول عينك ووجهك ورقبتك 

جداً فعال ويشد مرا ومع الاستمرار يفتح .

استخدميه يوميا لمدة اسبوعين واكثر وراح تلاحظين نتيجة حلوة خصوصا مع الاستمرار 

سبحان الله وبحمده