بيبي كريم من ماك | Prime BB Beauty Balm

من فترة كذا من زمان اشتريت بيبي كريم ماك فما اعرف اذا لسى موجود عندهم او لا .

البيبي كريم حلو بس هل راح ارجع اشترية ؟ 

- لا ، ليش ؟

صراحة مابغى اظلم المنتج لان الغلط مني لاني اخذته من فرع ماك اللي بالرياض , وصدق انصحكم اذا تبون تشترون من ماك اطلبوا من موقعهم خصوصاً انهم يشحنون دايركت للسعودية ، بس بذكر لكم الاسباب اللي خلتني اتحسف اني شريته من هنا .

١/ سعرة غالي بالنسبة لبيبي كريم يعني 150 ريال ، وبالموقع 30 دولار.

٢/ مامنه الا درجتين في المحل وكلها الاندرتون تبعها او درجتها تجي على بينك وكلها فاتحات وانا افضل اللي يكون على بيج او اصفر لان هذا مايناسبني ومايناسب اغلب البشرات الخليجية ، بس بالموقع متوفره اكثر من عشر درجات *احس انغبنت لان في الموقع في درجة مناسبة لي اكثر*

٣/ احس يناسب البشرة الجافة اكثر لان الدهنيه بيدهن معها اذا ماستخدمت بعده باودر . 

٤/ اذا بشرتك مو صافيه او فيها مشاكل ماراح يخدمك لان تغطيته متوسطة ، صح تقدرين تزيدين التغطية بس ليش احس مشوار هههه

**

طيب احس اني ظلمت المنتج فاللحين بقولكم ايش حبيت فيه :

١/ نسبة وقاية الشمس فيه 35spf ، وانا اشوفها نسبة عاليه قليل احصلها بالبيبي كريم 

٢/ مدة استخدامة 24 شهر يعني سنتين *مرا اعجبتني هالنقطة* خصوصا انو اغلب المنتجات نقدر نستخدمها بس سنه .

٣/ منظره على البشرة حلو بيعطيك منظر زي بشرة البيبي بشرط انو تكون بشرتك صافية < يعني الفضل يعود لبشرتك مو له هههه

وتقدرين توزعينة بيدك او فرشة 

وهنا صورة من مدونة اجنبية , استخدمت بيبي كريم ماك بدرجة ميديم .

--

وهذا موقع ماك ادخلوا واطلبوا اللي تبون وطلقوا محلهم بس

اخر شيء اذا تفكرين تشترينه مانصحك مرا لانو فيه بدائل كثير ارخص واحسن واولهم السيسي كريم من برجوا .

هنا الريفيو اللي كتبته عنه قبل 

لا اله الا الله .