ريفيو: فاونديشن نارس | NARS All Day Luminous Weightless Foundation

تدوينة اليوم راح تكون عن فاونديشن يعتبر جديد نوعا ما وهو اخر فاونديشن جربته الفتره الاخيره

وهو فاونديشن - all day luminous weightless foundation - 

اللي اصدرته شركة نارس ، المعروف ان شركة نارس ماتصدر كثير كريمات اساس فالاغلب متوقع من الشركه منتج ممتاز .

انا شخصياً جربته كذا مره قبل ماحكي عنه واعطيكم رأيي فيه .

التعبئه - Packaging :

طبعاً من اول نظرة راح تشوفون الباكيجينق *التعليب* قد ايش حلو وعملي والاهم انو فيه ضاغط مو مثل الفاونديشن القديم تبع نارس يجي بدون ضاغط .. طبعاً العلبه زجاج وانا افضل بصراحه الزجاج خصوصا لو شركه هاي اند مثل نارس .. الشكل مره عاجبني واتوقع من شكل الباكيجينق راح تعرفون انه يعطي تغطيه وشكل مطفي .

القوام والملمس - Textures :

بأول استخدام لفت انتباهي قوام الفاونديشن قد ايش خفيف جدا اتكلم من ناحية القوام مو التغطية زي المويا تقريبا بدون مبالغه .. 

التغطية - coverage :

الشركه تقول ان تغطية الفاونديشن عاليه وهذا اللي لفت انتباهي لان قوامه جداً خفيف وتغطيه عاليه وشخصياً حبيبت هذي الميزه فيه واتوقع اغلب البنات يبحثون عن كريم اساس يكون خفيف وبتغطية عاليه

.. بالنسبة لي كخبيرة تجميل ولأن جربت كثير كريمات اساس وعلى كثير بشرات ما اعتبر تغطيته عاليه ممكن متوسطه عاليه . واذا عندك عيوب ممكن تحتاجين معه كونسيلر مثل اغلب كريمات الاساس ، بس ممكن مع كم ضغطه زياده يعطيك تغطية عاليه وحلوه ولا يبين متكتل عالوجه . والفنش او الشكل اللي يعطيك اياه الفاونديشن يميل للمات اكثر شيء يعني بدون لمعه بوجهك وانا حبيت هالشيء يعني مو مات بشكل يخلي بشرتك جافه لا بس يعطي شكل طبيعي الى حد ما . 

الثبات - The wear :

المفروض يكون ثباته تقريبا لـ16ساعه ، بس ثباته يعتبر حلو بس مايثبت كل هالمده تقريبا لاحظت انه يثبت 8 ساعات تقريبا وممكن مع الثبيت ومثبت الميك اب راح يطول معك اكثر .

أخر شيء بالنسبة لرأي بالفاونديشن ! 

انا اعجبني مره وماندمت اني اشتريته خصوصا ان بشرتي تميل للدهنية اكثر ويعطي بشرتي شكل طبيعي ماحسه ثقيل على بشرتي مع انه يغطي بنفس الوقت .. بس ماشوفه مناسب لكل البشرات اشوفه مناسب للبشرة الدهنيه والمختلطه اكثر ، واللي ماحبيته ان احتاج كم ضغطه لانه خفيف من ناحية القوام فأحس الفرشه والبيوتي بلندر تمتص *راح اجرب اوزعه بيدي مره *

أماكن الشراء : سيفورا 

السعر اعتذر نسيته بس غالي لانه هاي اند . 

اتمنى انكم استفدتوا من الريفيو واسفه لانشغالي عن المدونه بس بحاول ما اتأخر عليكم بالتدوينات ❤️