تجربتي للتخلص من حب الشباب | How to remove acne

خلصصت اختبارات الحمدلله وعطلت .. فراح اكون متفرغه للمدونة اكثر باذن الله 

تدوينة اليوم عن اكثر مشكله الكل يكرها واغلب الشباب والبنات يواجهونها وانا من ضمنهم وهي مشكلة ( الحب الشباب )

حب الشباب يعتبر مرض جلدي تهيجي أو التهابي ، يكون سببه تغير بالمسامات الجلدية والغدد الدهنيه .

وممكن يكون سبب حب الشباب هو افراز دهون مفرط من الغدد ، او ممكن وجود طبقة خلايا ميته تسد المسام وتتجمع فيها الدهون تحت المسامات المسدودة فتكثر البكتيريا وتظطهر الحبوب المزعجه .

وبالنسبة للعلاج ففيه عدت علاجات حسب نوع الحالة

- مثلاً اصحاب الحبوب الكثيره جداً هذولي غالباً ينصحهم الدكتور باستخدام حبوب ( الرواكوتين ) ، وهذي مو اي احد يقدر يستخدمها ولازم قبلها تحاليل ويصرفها لك الدكتور اذا شاف انها مناسبه لك ، لان لها اعراض جانبيه 

بس انا حبوي خفيفه فبحكي عن العلاجات اللي استخدمتها وتناسب الناس اللي عندهم حبوب خفيفه الى متوسطه .

- الديفرين ، Differin -

الديفرين يعتبر من اقوى علاجات الحبوب اللي استخدمتها اقصد بالنسبة لباقي العلاجات اللي استخدمتهم .

هو يعتبر جل لعلاج حب الشباب ، ويعتبر هو الجيل الثاني من مركبات الريتينويد ولها علاقة بڤيتامين أ .

الجل هذا يزيل طبقة الحبوب بطريقة سهله مثل التقشير تقريباً ، يستخدم في الليل قبل النوم وبعد غسل الوجه بغسول مناسب لها بكمية صغيره مرا تكفي لكل الوجه .

يناسب اصحاب الحبوب الخفيفة والمتوسطة والملتهبه والغير ملتهبه .

ممكن تحسين باعراض جانبيه :

- جفاف

- احمرار 

- حرقان في الجلد

وهذي كلها اعراض مصاحبه للعلاج وعاديه.

بالنسبه لتجربتي معه كنت احط منه بنفس الطريقة اللي ذكرتها فوق ، متجنبه منطقة حول العين والفم ، وفي الصباح اغسل وجهي واستخدم مرطب 

تقريبا النتيجه تبين بعد ثلاث اسابيع وممكن تستخدمينه لشهرين على حسب احتياجك . الحبوب والدهون كلهم تروح باذن الله 

- أكرتين %0.025 , Acretin -

وهو كريم وتركيزه اخف من الديفرين ، ويحتوي على مركب تريتينوين اللي يتسخدم لعلاج حب الشباب والبثور الحبوب السوداء ، كما انه مقشر يجدد خلايا البشرة . 

فيه منه نوعين :

- اكرتين %0.025

- اكرتين %0.05

النوع اللي استخدمته كان اكرتين %0.025 وهو يعتبر اخف تركيز من الثاني ، لان كانت بشرتي حساسه هذاك الوقت فصرفت لي الدكتور هذا النوع بحكم انه خفيف .

استخدمه في الليل بعد غسل وجهي بشكل بسيط واتجنب حول الفم والعين . 

هذا جالسه استخدمه حالياً لان بشرتي صايره دهنيه وعندي كم حبه ، راح استخدمه لحين ماتروح الحبوب 

لسى ماكملت شهر وبدت الحبوب تخف الحمدلله بشكل ملاحظ.

- ديرما تي ، DermaT -

هذا الححححب *قلووب قلووب*

هو عباره عن محلول ابيض كانه حليب ، وهو للاستعمال الموضعي ويعتبر مضاد حيوي له تأثير يحد من نمو الجراثيم .

وبرضوا يحتوي على مادة الكليندامايسين اللي لها تاثير مضاد للجراثيم اللي تسبب حب الشباب .

يستخدم لعلاج حب الشباب .

انا هالمحلول مرا احبه لاني استخدمه اول ماتطلع لي حبه احط عالحبه شيء بسيط ويومين ثلاث ايام تخف كككثير .. وممكن اذا حسيت ان حبوبي كثرت استخدمه على كامل وجهي وطبعاً اتجنب منطقة حول العين والفم .

هذا المحلول يناسب تقريباً اغلب الناس وممكن تستخدمينه على اي حبه في جسمك .

**

اخر شيء نصيحتي اذا عندك حبوب لاتتسرعين وتشترين وتجربين لان هذي مركبات كيميائيه ممكن ماتناسبك افضل استشارة الطبيب اول .

برضوا لاتنسون تتجنبون تقشير البشره والتنظيف العميق طول مانتم تستخدمون هالعلاجات اللي ذكرتها .

وتجنب التعر للشمس واستخدام واقي شمس .