Wednesday 19 August 2015

بخاخ التسمير الذاتي من سيفورا | SEPHORA Self-Tanning Body Mist




من اول مايجي الصيف اغلب البنات يفكرون بالتان والبرونز ، خصوصاً مع الشمس تعطي لون حلو للبشره ..
بس عن نفسي انا ماني راعية تان ابداً ، اتذكر مرا من زمان سويت سيلف تان وماطلع حلو وخلاص من بعدها مافكرت اسوي 
بس قبل فترة حصلت كذا وحده تمدح منتج - السيلف تان من سيفورا - وقلت ليش ماجرب واغير واسوي نيولوك وكذا . عشان كذا
التان حقي جاي متاخر بس اهم شيئ ماخلص الصيف للحين .

**


طبعاً السيلف تان يجي انواع :
 بخاخ ، كريم ، زيت , مناديل ...الخ
وكثير شركات تسويه وفيه انواع كثير . 
بس راح اذكر تجربتي مع تبع سيفورا وبالاخص البخاخ 

سيفورا عندهم نوعين :
- بخاخ
- كريم
البخاخ من اول استعمال يبين اللون معك ، اما الكريم كل يوم تحطين لين توصلين للون المطلوب .



انا اخذت البخاخ لان هو اللي مدحوه لي وغير كذا هو اول سيلف تان اصدرته سيفورا اما الكريم يعتبر جديد *قديمك نديمك على قولتهم*

قبل اي سيلف تان تبغون تستخدمونه  فيه كذا شغله لازم تسونها اذا تبون السيلف تان يضبط معكم :
1/ ازالة شعر الجسم 
2/ سنفرة الجسم ( التقشير ) سواء بالسنفرة او الحمام المغربي ، عشان نزيل الجلد الميت ونتاكد ان التان يوصل بشكل متساوي لكل مكان

**
بعد هالخطوتين نجي للطريقة :

بعد الشاور والخطوات اللي ذكرتها فوق ، اجيب اي لوشن او مرطب وارطب بس الاماكن الجافه مثل الركب والاكواع واليدين والرجول بس باقي الاجسم ما ارطبه بشيء ، بعد كذا بجليب قفاز والبسه بكل يديني 
*أفضل انكم تكونون بدوراة المياه بحيث مايوصخ البخاخ أي مكان*
بعد كذا اجيب بخاخ التان واحركه او ارجه او اللي تسمونه هههه
وبعدين اصير ابخ على الجسم من بعد ٣-٥ سم تقريبا مثل ماتبخين بخاخ الشعر من بعيد .. وبعدين اصير اسوي زي المساج للمكان اللي بخيت عليه التان بحيث اتاكد انه وصل لكل مكان بشكل متساوي ( بصراحه البعض يبخ من بعيد بس بدون مايوزعه باليد بس افضل اني اوزعه ) ولازم يكون البخ من بعيد بحيث يكون رذاذ ويوصل لكم مكان بشكل خفيف ، اذا بخيتي من قريب راح يبين زي البقع .  
برضوا شغله ثانيه انا مافضل اني ابخ على الركب والاكواع والاندر آرمز (الآبط) .. اما بالنسبة لليدين والرجول ماينفع نبخ عليهم نفس باقي الاجسم ، الطريقه الصح ممكن تستعمون مثل القطن وتبخون عليها شوي من بخاخ التان وبعد كذا توزعونه بشكل خفيف مرا اخف من الجسم على اليدين والرجول . انا استخدمته على يديني ورقبتي بس مو لكامل جسمي وخلصت ممكن ثلات ارباع العلبه *ماكانت عندي سالفه ههههه*
ماستخدمته على وجهي واكتفيت بكريم اساس غامق وبرونزر فقط لاني ماحبيت اغامر بوجهي

واللون راح يبين بعد كم ساعه تقريباً . بس مشكلته مايجف بسرعه , بس اللون طلع حلو بس الظاهر اني تحمست وكثرت بخ فطلع اغمق وعلى اورنج شوي ، المرا الجايه ان شاءالله ماتحمس بزياده وابخ كويس ويضبظ اللون أكثر .
وبشكل عام حبيت المنتج وممكن ارجع اشتريه بحكم انه سهل الاستخدام ويعطي نتيجة من اول استخدام واللون يبين برونز على ذهبي يجنن بس أهم شيئ ماتكثرون عشان مايقلب على أورنج
 وتقريباً يجلس لمدة عشر ايام ويخف بالتدريج بس المدة ممكن تكون اقل أو اكثر على حسب نوع بشرتك .

أخر شيئ بالنسبة للرائحة اشوف انه مثل أي سيلف تان فيه ريحة تشبه ريحة الحنا ,, عن نفسي احبها مرا
واتوقع أنا الوحيده اللي تحبها , بس تضل يوم او يومين وتروح ماتبقى الريحة .




23 comments

  1. Дизайн стильный и лаконичный, как и у матовой серии. Помады выглядят презентабель서울출장샵но для подарка и их приятно доставать из сумочки. В колпачке окошко для удобства выбора оттенка. Закрывается помада до характерного щелчка

    ReplyDelete

© Ghadeer Blog. Made with love by The Dutch Lady Designs.