فوائد وتجارب شرب المياة | Benefits of drinking water

ليش دايم ينصحونا بشرب الماء بشكل كبير ؟؟

- الماء يساعد الكلى على اداء وظائفها بشكل افضل وبذلك يطرد الجسم الفضلات ويتخلص من السموم والدهون .

- يساعد في ترطيب البشرة وشوي شوي بعد فترة راح تتحسن بشرتك بشكل كبير وراح تكون صافية وتختفي الحبوب والاثار والجفاف وايضاً السولالايت والخطوط البيضاء والحمراء

- راح يساعدك في افقاد الوزن بشكل ملحوظ 

- يساعد القلب على اداء وظيفتة بشكل افضل

- يساعد على عملية الهضم وعلاج الامساك 

- يمنع رائحة الفم الكريهة + الجسم 

- يجدد حيوية خلايا الجسم 

- يعمل على ترطيب المفاصل وليونتها 

**

كل النقاط اللي ذكرتها راح تحصلين عليها من شرب الميا بس بشرطين :

١/ شرب الماء بكميات كافية 

٢/ الانتظام لفترة طويلة من الزمن 

**

ماهي الكمية الكافية من المياة ؟؟

عالمياً الرجل يحتاج 3 لتر - 13 كوب من المياه

المرأه تحتاج 2.2 لتر - 9 اكواب من المياه 

* وكلما تقدم عمر الانسان احتاج لكميات اكبر من المياه *

الاوقات المناسبة لشرب المياه :

- اول اوقات الصباح قبل وجبة الفطور على معدة فارغه * هذي الطريقة تساعد الجسم على اداء الوظائف بشكل افضل * 

- قبل الاكل بساعة 

- بعد الاكل بساعتين 

- بعد القيام بمجهوم مثل الرياضة

- قبل النوم 

تجربتي :

انا لي فترة احاول اشرب مويا بكميات كبيره بس ماكنت انتظم يعني يوم اشرب 8 اكواب ويوم 6 ويتفاوت وبعض الاحيان انسى كم شربت من كوب ، فحاولت القى حل للمشكلة والحل صار هو * المطارة ، او زمزمية المويا او ماعرف ايش تسمونها * 

هذي ميزتها حجمها كبير 1.4 لتر ، اعبيها مرتين بحيث اشرب لترين من المويا وتكفيني واصير اضمن انِ اخذت كفايتي 

جد بنات مرا تحمس وانصحكم فيها وحتى سعرها رخيص مرا وتتوفر بعدة الوان .

تحصلونها ب : سيتي ماكس

بسعر : ١٢ ريال تقريباً 

واذا كنتِ لسى بتبدين بشرب كميات كافية من المياه او لك فتره قصيرة بادية بهالموضوع راح تلاحظين انك تستخدمين دورة المياة بشكل كثير ، عادي جدا لان الجسم ماهو متعود بس تاخذين فترة ويتعود جسمك وتصيرين تروحين طبيعي .

--

وهنا جمعت صور لتجارب ناس صاروا يشربون كميات كافية من المياة والتغير اللي لاحظوه على انفسهم * تحمس الصور مررا *

-- 

واخر شيء من الاشياء اللي تساعدك وتحمسك 

هذا التطبيق للجوال : نظام ابل / اندرويد 

مفيد يخبرك كمية المياه اللي تحتاجينها وكذا ميزه حلوه فيه

Waterlogged

هنا 

Water your body

هذا الابلكيشن مرا حلو يذكرك كل شوي تشربين مويا لين ماتخلصين 8 اكواب

هنا

سبحان الله والحمدلله