مشتريات ميك اب | Makeup haul

اتوقع الكل صار يعرف انو اسواق طيبة اللي في الرياض ، صارت تبيع ميك اب من برا ومو متوفر عندنا ، وجودته عالية ، مثل ( ذا بالم ، ايلف ، انستانزيا ، كيكو ...الخ)

انا مرا حبيت الفكره خصوصاً انك لما تشترين شيء بيدك له طعم ثاني .. وبعض المنتجات احب اشوفها قبل ماشتريها مثل الكونسيلر والفاونديشن لاني احتاج احدد درجتي فلازم اجرب

كثير ماحبوا الفكره لانو فيه اختلاف بالاسعار والبعض يقول مو اصلي و و و و.

بس انا اعترف انو صدق فيه اختلاف بالاسعار وانا انصح كل وحده تروح هناك تصير تعرف السعر الاصلي وتحاول تاخذ اقرب سعر ، لانه هم يحسبون الشحن والمكسب .. بس تعتبر الاسعار مقبولة 

وسالفة الاصلي والتقليد اعترف اني مثل كثير من البنات اخاف من هالسالفه واشيل همها لانو كثير مرا صاروا يبعون هالمنتجات فمستحيل كله اصلي ، شخصياً رحت لمحلين وهالمحلين تكلموا عنهم كثير في انستقرام وفيه خبيرات تجميل راحوا لمهم وجربوا منتجاتهم وقالوا اصلي ، عالعموم انا اطلب اون لاين فلما رحت لمهم قارنت بين اللي شريت منهم واللي طلبته اون لاين وصاروا كلهم نفس الشيء ، فان شاء الله مايبيعون تقليد

المحل الاول : 

اسمه - وسطاء العطور -

اذا ماخاب ظني فهو اول محل بداء بهالفكره ، والحين عندهم ثلاث فروع وكلها بطيبه ، عيب هالمحل انه زحمه بس وقت الصباح والعصر خفيف .

اخذت اول شيء اللي من زمان بخاطري فيه وكل احد عنده الا انا 

وهو - meet matt nude - 

من ذا بالم وهو باليت اي شدو يتكون من 9 درجات وكلها مات ( يعني بدون لمعه ) 

ودرجاته حلوه مرا اغلبها تميل للاوان الطبيعيه والترابيه .

السعر ب: 160

--

اي لاينر من ذا بالم 

( كثير يمدحونه وحبيت اجربه )

السعر : 65

اي لاينر ثاني ماعرف ايش الماركه حقته 

شكلها يشبه شكل ماسكارات ميبيلين

اللي في المحل مدحها لي وجربتها سوادها قوي

وغير كذا ثباتها عالي جداً خصوصا انو هي ضد المويا

السعر : 45

--

مسكارا من برجوا

هذي المسكارا هي الحححب حقي 

احبها مرا تطول وتكثڤ وتخلي رموشك كثيڤه 

كتبت عنها تدوينة قبل

السعر :  45 ريال

برضوا اخذت مسكارا من ايسنس

اول مرا اجربها 

السعر : اخذتها هديه فما اعرف 

--

فرشة كابوكي صغيره من سيقما بالرقم P84 :

حلوه للكونسيلر وكونتور الخشم والحبوب والاضاءة 

تنفع لاشياء كثيره

السعر : 90 ريال

--

ارواج كلها مات :

اخذت روجين من - wet n wild -

دايم اسمع عليها مدح خصوصا انو سعرها رخيص مرا

فاخذت درجتين للتجربه واذا حبيتهم بطلب الالوان الباقيه

والروج الثاني من - goldn rose -

السعر ؛ كلهم ب 25 ريال

--

من كككيكو :

كنت ابغى اجرب من عند هالبراند اشياء كثير من زمان 

وحاولت اطلب من موقعهم وماظبط معي الطلب

فانبسطت يوم وفرها المحل 

اخذت روج - والشدو المائي 

ميزت هالشدو انو اقدر استخدمه لحاله او مع المويا وهو يكون بشيمر (لمعه)

السعر : 60 -70 ريال

***

المحل الثاني اسمه : 

بدور 

اخذت منه كونسيلر برو لونق وير من -M.A.C-

هذا الكونسيلر دايم مخلص من ماك وماحصل الا الدرجات الغامقه

فانبسطت لما حصلته عنده 

درجتي فيه : Nc25

السعر : 140 ريال

كونسيلر ثاني من - L.A girl -

هذا عندي مثله اساسا بس اخذت درجة ثانيه افتح للاضاءة

السعر :  35 ريال

--

آي لاينر من - محمود سعيد -

السعر : 15 ريال

--

محححددات من - ever sheen -

كتبت عنها اول في انستقرام ، هذي جربتها مرا يوم مدحها لي وقال بترجعين تاخذين منها وفعلا رجعت واخذت منها 4 درجات وكنت ابغى اخذ زياده بس ماحصلت ، جداً رائعه وكريميه وتبين معك بسرعه ورخيصه 

السعر : 10 ريال

--

عدسات بيلا ، هذي من كوليكشن كيم كارداشيان ، الوانها حلوه اغلبها وريحه عالعين اذا نظفتيها كويس 

السعر : 100 ريال 

بس هذي هي مشترياتي ، ونصيحه حاولوا تتاكدون اذا اصلي او لا حتى ولوو 

واختاروا السعر الارخص .