عنايتي الصباحيه لبشرتي | my morning skin care routine

العنايه الصباحيه للبشره مهمه جداً وخصوصاً لبشرة الوجه وغالباً تكون عباره عن حمايه وترطيب مو معاالجه لان المعالجه تكون في فترة الليل .

يعني اذا مثلا عندك مشاكل مثل تصبغات او تجاعيد او حبوب هذي المشاكل غالباً علاجها يكون بالليل قبل وقت النوم عشان نصير نتجنب الشمس ووقت النوم طبعاً لانه وقت تتجدد الخلايا فيه .

حالياً انا جالسه اعالج بشرتي واسوي تقشير خفيف ، بس هالروتين الصباحي عادي اقدر استمر عليه حتى اذا خلصت التقشير ، مع العلم ان بشرتي من دهنية الى مختلطة نوعا ما . هالروتين راح يناسب اغلب انواع البشرات تقريباً والمنتجات اللي استخدمها تناسب الحساسة والمختلطه والعاديه ..

الروتين اللي بحكي لكم عنه هو الاساسي ويناسب كل احد اقصد يشمل كل الاشياء اللي لازم تسوينها من تنظيف وترطيب وحماية من الشمس وانتِ وراحتك تقدرين تضيفين منتجات ثانيه او تستخدمين منتجات ثانيه حسب نوع بشرتك

---

اول ماصحى طبعا اروح دورات المياه لازم لانو اكون شاربه كمية مويا في الليل ، بعد كذا اتوضاء للصلاة .. وافرش اسسناني

انا احب استخدم معجون كولجت او كرست لان نتيجته للتبيض حلوه ، وهالفرشه لسى شاريتها جديده ماعليكم منها بس شوفوا الغطاء ، هذا حلو يحمي الفرشه من الجراثيم خصوصا انو الفرشه غالبا تكون رطبة فاكيد راح تتعرض للباكتيريا والجراثيم بشكل اكبر .. اخذتها من صيدلية وايتس اظن 

بعد كذا استخدم غسول حالياً استخدم نوع للبشره الحساسة من سيتافيل لانو تحسست بشرتي قبل فتره وكتبت لي الدكتوره هذا النوع ، بس خفت الحين فافكر ارجع اشتري غسول للبشره الدهنيه المختطله .

استخدم الغسول بفرشة التنظيف من اولاي ، الفرشه اخذتها بعد ماسمعت كارلي تمدحها بقناتها في اليوتيوب ، وتنظف البشره بلطف وبحركات دائرية بحيث تسوي مثل المساج الخفيف للوجه

الفرشه هذي عباره عن جهاز صغير مرا يشتغل بالبطاريه وعادي تستخدمينه تحت الماء ، تنظف بشكل لطيف وخفيف بحيث اقدر استخدمها يومياً ، وحسيت بشرتي تحسنت معها صراحه 

بعد مانظف بشرتي استخدم تونر بس للاسف خلص حقي وعادي تقدرون تتجاهلون هالخطوه لان مو كل شخص يحتاجها ، خصوصاً ان الدكتوره كانت تكفي تكتب لي غسول بس ماقد كتبت تونر بس انا من الحرص استخدم تونر ههههه

المهم خلونا من التونر ونجي بالترطيب ، انا استخدم سيتافيل وترطيبه مرا حلو وافكر اغيره مو عشان فيه عيب او شيء بالعكس جداً رائع بس افكر اجرب كريم ترطيب فيه ڤيتامين عشان يغذي بشرتي بشكل افضل .

بعد مارطب وجهي استخدم كريم ترطيب حول العين ، عندي هالسيروم ، يستخدم بالليل والنهار بس ماحبيته مرا .. لانو تركيبته ماتسمح تحطين فوقه ميك اب وبعض الاحيان اكون ابغى احط ميك اب ، فاحس اني احتاج كريم بدال هالسيروم .

طبعاً لازم لازم لازم واقي الشمسسسس

لانه هو اللي بيساعدك تحافظين على شيء سويتيه لوجهك

ويجنبك البقع والكلف والتجاعيد والترهل وكل هالامور .

انا كنت استخدم هذا من اس اس وكويس مرا بس خلص وافكر اغيره واجيب شيء كويس وبسعر ارخص لاني احتاج الواقي بشكل دائم فابغى شيء سعره مناسب واستخدمة كثير ، وترا انا استخدمه حتى على يديني ويمكن رجولي اذا لبست صندل .

بعد كذا اخر خطوه ، مرطب الشفايف احب ارطب شفايفي دايم ماحب اشوفها ناشفه ولا متشققه ابداً

بس هذي عنايتي البسيطة للصباح وافضلها تكون بسيطه لاني اصحى ويكون عندي دوام ومستعجله فافضل اشياء خفيف ، وراح اغير المنتجات اول ماخلص التقشير ان شاءالله .