اهلين ،
شخباركم ؟
بخبركم اليوم عن براند فرنسيه اسمها يوني وهالبراند تعتبر من الدرق ستور يعني سعرها رخيص يعتبر ، واللي يميزها وخلاني احبها انها مصنعه من مواد طبيعيه وماتخرب البشره
وهذا شيء مرا حبيته خصوصا للدوام مثلا او الطلعات الخفيفه .
تجربتي معها كانت حلوه صراحة بس مانصح فيها للمناسبات يعني استخدميها للجامعه او طلعه
لاني ماحسها تثبت وقت مرا طويل وفيه منتجات افضل بس هذا يكفي انها طبيعيه .
طبعا اخذت منها كم شعله وبخبركم عنها :
- كونسيلر
- ماسكارا
- كحل بيج
- بلشر كريمي
- روج
اول شيء بحكي عنه هو
- الكونسيلر :
مثل ماهو واضح بالصوره شكله مثل الروج وحلو تاخذينه بأي مكان معك وصغير
يستخدم لتحت العين وباقي الوجه ويرطب بدرجة كويسه مرا
واذا كانت بشرتك دهنيه تحتاجين باودر عشان مايدهن عليك
بالنسبه لي مبسوطه عليه مرا
ايش احسن من كونسيلر تغطيته كويسه ويرطب وغير كذا مايخرب بشرتي وطبيعي
اعتبره شيء بيرفكت
--
- المسكارا
اقدر اقول اني وقعة بغرامها ،
ليش ؟
لانها بالعسل وزيت الخروع حتئ اقدر اشم ريحة العسل منها .
طبعا معروف ان المسكارا بشكل يومي تتلف الرموش وتطيحها بس هذي طبيعيه وحتئ ينفع تنامين فيها ماتسبب لك اي ضرر
وغير كذا ازالتها سهله مو زي باقي المسكرات اللي تتعبك مويا ممكن تكفي اذا ماكنتي مكثره
*خبرتكم ان منتجاتهم ثباتها مو قوي *
تعطيك رموش مكثفه وطويلة بس بشكل طبيعي مو مرا بيرفكت
شخصيا اعتبرها بيرفكت لاستعمال يومي
اهم شيء رموشي ماتطيح .
--
- كحل بيج
اممم لونه بيج ممكن غامق شوي مثل الصوره
مايبين مرا ، مو مرا اعجبني
فضلت كحل شانيل البيج اكثر منه
بس اللي عينها حساسه وتتعب من اي كحل هذا راح يناسبها
--
- الارواج
اخذت روج واحد وكان هديه
ترطيبه عالي
ثباته ولونه خفيف كانه مرطب شفايف احس اكثر من كونه روج .
اذا شفايفك تتعبك وناشفه انصحك فيه .
--
- البلشر الكريمي
الحسنه الوحيده اللي فيه ان فيه حماية من الشمس
والعلبه تبعته فيها مرايا < مبسوطه عليها
شخصيا ماعجبني احسه يروح بسرعه
اممم استخدمه للجامعه بس احس لازم اعيد عليه
مانصح فيه ماحسه حلو .
-
بس هذي هي تجربتي البسيطه معها
طبعا هالاغراض اخذتهم من الكويت
فما اعرف وين ممكن تحصلونها بالرياض
والاسعار مو متاكده منها للاسف
*وش تعرفين بالله ؟*
دعواتكم
واتمنئ استفدتوا .
Post a Comment