طلاء الاظافر بأسرع وقت | nail polish in short time

تدوينة سريعه بس ان شاءالله مفيده خصوصاً للناس اللي تحب المناكير .

من اكثر الاشياء اللي تخليني اكره المناكير هو انتظاري له عشان ينشف ، والشيء الثاني اللي يخليني اكره هو ازالتة لانها تاخذ وقت ، بس الحين مع التطورات وكذا متاكده ان شركات التجميل لاحظوا هالمشكله وحاولوا يطلعون لنا حلول وانا اشوفها حلول ممتازه ، و بخبرك عن الاشياء اللي جربتها وحلت لي هالمشكلتين .

- جودة طلاء الاظافر -

جودة المناكير ماتعتمد على سعره ولاشيء ، لاتعتمد عالشركة .. مثلاً مناكير فلورمار سعره جداً رخيص تقريباً ب١٠ ريال وجودته ممتازه ، بالنسبه لي احب اشتري مناكيرات من براند غالي مثل شانيل وديور اذا كان عندهم لون مميز ماحصله في مكان ثاني ، بس شركة o.p.i اتوقع عندهم كككل الالوان وسعرها ارخص .

الخلاصه انو نوع المناكير مهم لان راح يحدد الوقت اللي راح يجف فيه وبرضوا اذا ينزال بسرعه او لا 

- بخاخ تجفيف طلاء الاظافر -

من فورميلا اكس - سيفورا

هذا البخخاخ صدق وانا استخدمته اقول وينهم من زمان ماخترعوه ؟؟؟

شخصياً اعتبرته من الاشياء اللي ماراح استغني عنه لما احط مناكير 

لانه يسسسسهل مرا سالفة المناكير

اصلا هو عباره عن بخاخ مجرد تبخينه على المناكير ودقيقة والمناكير ناششف .

طبعاً البخه تكفي لكل اصابعك مو كل اصبع تبخين عليه .

والمحلول زي المويا تحسينه ماراح يعطي اي احساس سيء ليدينك ابد بالعكس ماتحسين ان يدينك وصلها شيء .

السعر مايقارب : ٦٥ ريال سعودي

- مزيل المناكير من سيفورا -

اظن سيفورا هم اول ماطلعوا هالفكره الجباره *تحمست بالوصف*

هالمزيل يخليني اشيل المناككير بدقيقة الى دقيقتين بدون مبالغه 

طبعاً بعد ماستخدمه اغسل يديني كويس بالصابون عشان اتحول اتخلص كم الاسيتون وبعدها ارطب يديني كويس ، واذا بستخدم مقوي اظافر يمدي بعد .

فكرة المزيل متوفره نفسها عن برجوا وبرضوا حلو ويعطي نفس النتيجة .

السعر : ٤٩ ريال سعودي

--

اخر شيء حبيت اشاركم بالشغلات اللي سهلة على موضوع المناكير .. اتمنى تجربونها وتدعون لي لانها بتريحكم وتوفر وقت