الشامبو الجاف | Dry shampoo

 الدراي شامبو - او الشامبو الجاف البخاخ

واللي يعتبر الاداة المنقذة السحرية الخارقه ، خصوصاً لاصحاب الشعر الدهني مثلي وحتى اصحاب الشعر الخفيف اللي يبحثون عن كثافة دائماً .

الكل يعتقد ان الدراي شامبو هو اختراع جديد بس اصدمكم انه ظهر ، أول مرا بـ 1940 بس ماكان جداً مشهور هذاك الوقت

وبعد عدة سنوات ربات البيوت والنساء ماكان عندهم وقت يغسلون شعورهم ، وبعد كذا في أواخر الستينات وبداية السبعينات ، انطلق اول شامبو جاف بشكل اعلاني وقامت احد الشركات باطلاق حملة اعلانية للشامبو مع العارضة - Twiggy -

نجي الحين للحاضر والمستقبل ، بس قبل بشرح شيء بسيط للي مايعرفون ايش هو اصلا .

ايش الدراي شامبو ؟

هو عبارة عن مادة جافة سواء باودر او سبراي تستخدم عالشعر الجاف كبديل للشامبو العادي ويكون بديل للشامبو العادي .

ايش فائدته ؟

- يمتص الدهون بفروة الرأس ويخففها بشكل ملحوظ جداً

- يمكن استخدامه لاعطاء كثاڤة للشعر 

وهذي صور لبعض نتائجة

هل يغني عن الشامبو العادي ؟

لا أبداً مايغني لان هذا ماراح ينظف الشعر مثل الشامبو العادي مستحيل بس يعتبر حل مؤقت .

كم مرا استخدمه ؟

 سمعت كثير آراء بس الكثير يقولون مو اكثر من ثلاث مرات ورا بعض ، بس شخصياً ما اكثر منه يعني مرا بالاسبوع ممكن او اذا عني مناسبة واحتاج كثافه لشعري ، ومع ان شعري دهني ماغسله كل يوم واذا دهن ممكن استخدم الدراي شامبو ، بس ماكثر لاني سمعت معلومة ومدري اذا صحيحه او لا ان الدراي شامبو كثرة استعماله تسبب تساقط الشعر فعشان اصير حريصه واتجنب ماستخدمه كثير .

طبعاً فيه شركات ككثير صارت تطلع الدراي شامبو واشهرهم هي شركة - Batiste - وهي شركة ابريطانية مشهوره 

اصدرت عدة انواع بعدة روائح وبدون رايحة .

جربت من زمان اللي بدون رائحه لان ماحبيت الروائح اللي كانت متوفره بس ممكن فيه انواع ماشميتها .

بس النوع الجديد اللي شريته هو مخصص لاعطاء كثاڤه للشعر .

مرا حبيت الفكره لاني احتاجه الكثافه .

امم فيه ريحة خفيفه ممكن شوي ابخ منه على بعد 10-15 سم 

ما أكثر واركز على المنابت وخصوصا مقدمة الرأس ، ممكن تلاحظون باودر ابيض وهذا عادي هي نفسها الماده بس مجرد ماتدخلين اصابع يدك بين شعرك ودلكي وراح تروح ويتزوع كويس ويعطيك فوليوم وكثافه حححلوه مرا ، حبيت النتيجه بس لاحظت انه يجفف اكثر من باقي الانواع فاللي شعرها جاف ممكن مايناسبها .

اتذكر مرا استخدمته وطلعت طبعاً مع الغطاء والعباية خفت الكثاڤه بس حافظ شوي على النتيجة.

مكان الشراء :

صيدلية وايتس

**

النوع الثاني اللي جربته من : غارنيه

المنتج فاشل فاشل فاشل ، مو بس معي حتى كثير جربوه وقالوا مثل ماقلت ، بصراحه اشوف ان المنتج يسيئ لسمعة الشركة المفروض يقطعونه من السوق احسن .

اولاً ماينظف الا شيء بسيط جداً واصير ابخ كثير عشان الاحظ نتيجة مو مثل باقي الدرايز شامبو.

ثاني شيء وهو اللي خلاني اكرهه وهو ريحته

ريحته تكتمم لدرجة اني اكتم انفاسي اذا جيت استخدمه .

مستحيل طبعاً ارجع اشتريه

مكان الشراء :

الصيدليات ، السوبر ماركت

**

اخر نوع جربته وهو الهبه الجديدة تقريبا : صانسيلك

الشركة منزلة الدراي شامبو من فترة قريبه وسوت له عدة دعايات خصوصا بالسوشال ميديا واشتهر بين البلوقر .

فيه منه ثلاث انواع :

- للشعر الدهني

- الشعر المصبوغ

- للشعر العادي

 ومتوفر بكذا حجم وعندهم حجم صغير مرا عملي للبنات اللي يحتاجون الدراي شامبو وقت السفر او مخيمات مثلا لانه حجمه ماياخذ مكان في الشنطة .

انا اخذت النوع المخصص للشعر المصبوغ لان توني صابغه ،

وخصوصاً ان كثرة غسل الشعر المصبوغ تخفف من اللون فالشامبو الجاف يساعدك لتقليل غسل الشعر بالماء والشامبو العادي .

بالنسبة للتجربة :

جربته وحلو أعجبني ريحته عاديه هاديه احس اني اقدر اتقبلها 

وممكن ارجع اخذ النوع المخصص للشعر الدهني بعد .

ماحسيته يجفف شعري ولا هو خفيف مايبين اشوف ان نتيجته حلوه ووسط .

مكان الشراء :

الصيدلية ، السوبر ماركت 

**

وهنا خطوات توضح لكم طريقة استخدام الشامبو :

اخر شيء اعتذر عن عدم ذكر اسعار المنتجات لانها ماتحضرني ابدا .