اهلين وسهلين
اخباركم !
اليوم تدوينتي بتكون عن الميك اب اليومي وخصوصا تبع الصباح للدوام يعني
اول شيء انا شخصيا احس لازم الوحده تحط ميك اب في وجهها لو خفيف روج ، بلشر ، ترتب حواجبها
ماقلت فل ميك اب بس عالاقل شيء يعطي نظاره
خصوصا لما تكون بشرتك تعبانه وصفراء تحتاجين تخفينها
طيب البعض يقول بشرتي واخاف عليها وماعرف ايش !
الحين فيه شركات طبيه تنتج منتجات ما تأثر عالبشره يعني الفكره القديمه عن الميك اب المفروض خلاص تروح لانو كل يوم صايرين يتطورون اكثر . بس اهم شيء ماتنامين فيه لان هذا اللي يخرب البشره ويدمرها عليك
طيب انا راح اخبركم عن الاشياء اللي استخدمها للصباح وطبعا بعض الاحيان ماحط * لما اكون تعبانه او مالي خلق *
- مرطب الشفايف
استخدم هالمرطب من سيباميد وميزته انو فيه حمايه من الشمس وحرصت عليه لما قريت كلام دكتوره كاتبه انو ضروري نستخدم مرطب فيه نسبة حماية من الشمس عشان ماتسود المنطقه .
- واقي الشمس من IsIs
بشرتي مختلطه وهالواقي ناسبني والدكتوره كتبته لي تحصلونه بالصيدليه فيه نسبة حمايه ٥٠
طبعا اهم اهم شيء هو الواقي يابنات اكثر من الميك اب وكل شيء لان الشمس تعدم لك بشرتك وماتبين بسرعه يعني بتسبب لك تصبغات وشيخوخه مبكره
واستغرب من البنات اللي ماتحط ميك اب عشان تحافظ علئ بشرتها وفي المقابل تطلع بالشمس بدون ماتحط واقي شمس .. احرصوا عليه يابنات
سعره تقريبا ميه وشوي
وتقدرون تستخدمون اي واقي يناسبكم .
- سيسي كريم برجوا
هالسيسي كريم مناسب للبشره الحساسه واللي مسويه تقشير يعني بيرفكت للبشره العاديه ومايضر
اوزعه بفرشه كابوكي او اسفنجه او حتئ يدي عادي ينفع
^^
- كونسيلر من يوني
اهم شيء بالنسبه لي انو اغطي الهالات او الحبوب
وهذا الكونسيلر طبيعي
كتبت عنه من قبل ريفيو
- الحواجب
لك الحريه انك ترسمين حواجبك بقلم او باودر اهم اهم شي تبين طبيعيه لا عريضه بشكل مبالغ فيه ولا غامقه وحتئ لو كان شعرك اسود استخدمي لون بني لحواجبك عشان مايصير شكلك مرعب
- مسكارا
طبعا خلوني اقولكم اني ضد فكرة المسكارا كل يوم لانها تخرب الرموش بشكل
بس هذي طبيعيه وتروح بالمويا بسرعه فعشان كذا احطها وضميري مرتاح
- بلشر كريمي
ليش اخترت الكريمي لاني احسه طبيعي اكثر ولك الحريه اذا ماتحبينه اهم شيء يكون لون طبيعي
- روج او قلوس
اختاري لون طبيعي من درجات البينك او نيود يكون او مثلا تنت للشفايف راح يكفيك ويبين بيرفكت .
هذي هي الاشياء اللي انا اشوفها اساسيه للميك اب اليومي واذا كانت بشرتك تدهن وكذا استخدمي باودر فوق السيسي كريم وبيضبط معك
واخر شيء نصيحه لاتبالغين بشكلك فترة الصباح وابعدي عن الكونتور والهايلايت والايلاينر الطويل
لان شكلك راح يكون مضحك .
دعواتكم .
Post a Comment