كريمات الترطيب من شركة laino | Moisturizing creams

اليوم تدوينتي بتكون عن كريمات الترطيب من شركة laino الفرنسية

الشركة هذي طبية ومتوفرة بالصيدليات .

اللي يميز هذي الشركة ان كريماتها خالية من البارابين والفينوكسي إيثانول .

ايش هالمادتين ؟

المادتين هذي كيميائية ولها اضرار 

- البارابين : يستخدم كمادة حافظة للمنتجات التجميلية ، ويسبب مشاكل مثل زيادة الوزن والحساسية واثارة البشرة والشيخوخة وبعض انواع السرطانات 

- فينوكسي إيثانول : هو مادة حافظة ايضاً ، ويسبب تهيج للجلد والعينين 

--

اول كريم بحكي عنه وهو المفضل .. 

كريم الترطيب بزيت الزيتون .

ترطيب يدوم لثمان ساعات ، قوام الكريم متوسط ماهو ثقيل ولا خفيف زي اللوشن ، البشرة تمتصه بسرعة لانه يرطب الطبقات العليا للبشرة فقط . 

فيه ريحة زي زيتون خفيفة وبعد مايمتصه الجسم تروح وماتبقى .

كاتبين عليه للبشرة شديدة الجفاف بس احس ترطيبه متوسط اللي بشرتها جافة جدا تحتاج اكثر ترطيب 

شخصياً اعتبره الافضل ويعجبني ترطيبه وقوامة وعاجبتني فكرة انه بزيت الزيتون خصوصا ان له فوائد كبيره للبشره وهو غني بالاحماض الامينية اللي تحتاجها البشرة .

المنتج حجمة 500مل . انا يكفيني لشهر تقريباً 

السعر :

140 ريال

--

ثاني كريم شبيه للاول بالشكل بس .

وهو حليب مرطب مستخلص من لب التفاح .

قوامة خفيف كأنه حليب على لوشن *ماعرف اوصفة هههه*

ريحتة حلوة مرا كانها ريحة عططر 

*طبعا المنتج خالي من العطور اكيد* .

تمتصه البشرة بسرعه ، وكاتبين انه غني بالبوليفينينولات (اسمه صعب) وحمض الفواكة وهذي المواد كلها تساعد للوقاية من الشيخوخة .

وترطيبة للطبقات العليا من البشرة  بس

انصح فيه للي تبغى ترطيب خفيف عالسريع وريحتة حلوة ومايضر بشرتها .

حجمة 500مل ، بما ان قوامة اخف احس استخدمة باقل من شهر 

السعر :

155 ريال

--

اخر كريم جربته من هالشركة هو 

حليب مرطب بزبدة الشيا .

يشبة كثير الثاني بس انه بالشيا * للي يحبونها *

برضوا ريحته تجنن 

هذا يستعمل للوجه والجسم . اللي قبل ماني متاكدة اذا تنفع للوجه او لا .

ترطيبه خفيف ويعطيك ملمس مخملي وناعم ، احب استخدمة ليديني بان حجمة اصغر واكون اخذه معي في الشنطة 

حجمة 200مل ، اصغر من اللي قبل 

السعر : 

115 ريال 

كل هالكريمات تحصلونها في صيدلية الحبيب .

دعواتكم .