قبل شهر تقريباً طلبت من كذا موقع وشحنتهم كلهم على فيديكس -سمسا حالياً-
بصراحة توقعتها توصل باسبوعين بس تاخرت يعني اخذت اكثر من شهر ، وغير كذا اخذوا ٢٤٠ ريال عالشحن .. اشوف السعر مبالغ فيه شكلي بعدين بصير اطلب من مواقع تشحن دايركت للسعودية .
بقولكم اول ايش المواقع اللي طلبت منها :
- موقع ميك اب قيك
- موقع كولر بوب
- موقع هاوس اوف لاشيز
- درق ستور
- امازون
- makeup geek -
هذا الموقع :
هالموقع صاحبته عندها قناة عاليوتيوب اسمها مارلينا
^ هذي هي
وانتجت براند صغيره اسمها ميك اب قيك ، اشتهترت اكثر شيء بالشدو تبعها ودايم يقارنونه بتبع ماك وكثير يقولون انها احسن من ماك
طبعاً فيه عندها شدو ، بيقمنت ، فرش ، جل لاينر وكلها من ميك اب قيك
وانا كنت متحمسه مرا للشدو على قد المدح اللي سمعته خصوصا جاكلين هيل اللي في اليوتيوب دايم كانت تستخدمهم كثير وبس تمدحهم وغيرها كثير .
والشدو تبيعهم بالحبة مو باليت يعني انتِ تختارين الالوان اللي تبين وكم حبه .
طبعاً الموقع يبيع شغلات ثانيه غير اشياء البراند يعني زي بيوتي بلندر وارواج نكس وكذا شغله بسيطة
الاشياء اللي طلبتها كانت :
- ١٣ لون شدو / السعر : 5.99$ للحبة
- علبة - z palette - هذي العلبة فيها زي المغناطيس تحطين فيها كل الاي شدو الحبه من ميك اب قيك او اي ماركة ثانيه تفيد مرا / السعر : 20$ لحجم لارج
- بيقمنت درجتين / السعر : 6.99$
- جل لاينر اسود / السعر : 8.99$
- بيوتي بلندر لونها اسود *من زمان خاطري بهاللون* / السعر : 17.99$
- فرشة بلشر صغيرة من ميك اب قيك * كنت متوقعتها اكبر شوي بس طلعت صغيره مرا * / السعر : 8.99$
- طبعاً هذي كانت اول مرا اجرب اطلب من هالموقع ، وسمعت انه يشحن دايركت للسعودية ، فناوية ارجع اطلب مرا ثانية واشحن دايركت -
- colourpop -
هذا موقعهم :
هذي براند جديدة توها طالعه وهابين فيها ، لان جودتها عالية والوانها غنية على كلامهم وسعرها رخيص وحتى التعليب حقها حلو .. ونفس فكرة ميك اب قيك يبيعون الشدو لحال مو في باليت بس هم كل شدو في علبة يعتبر ... طبعاً موقعهم اول شيء بداء بالشدو والارواج والمحددات ولسى توهم مطلعين بلشرات
اخذت منهم :
- اربع درجات آي شدو كلها شيمر
- ثلاث ارواج
- محدد للتجربة
// كلها سعرها بـ5.00$
- house of lashes -
هذا موقعهم :
من زمان كنت افكر اجرب الرموش من عندهم *شكلهم مغري ويفتح النفس* بس الصدق انا مانويت بس بخاطري اجرب
الا يوم شفت انهم مسوين خصم 20% وقلت بجرب اطلب عشان كنت لسى طلبه من المواقع اللي فوق فقلت فرصه اشحنهم سوا
اخذت منهم :
- رموش نوعين // السعر : 9.00$
- صمغ للرموش *ميزته انو زي الريشة * // السعر: 8.00$
- علبة تحفظ الرموش *عاجججبني شكلها مرا* // السعر: 6.00$
- الموقع يعطيك خصم 10% لاول طلب لك -
- drugstore -
هذا موقعهم :
الموقع هذا حلو مرا ، فيه كل شيء ( ميك اب ، سكن كير ، حبوب ، اجهزه تجميل ، اكل عضوي ، شغلاات للبيبي ..الخ )
هذي ثاني مرا اطلب منه وحلو مرا وسريعين بالشحن ولو صار تاخير بالشحن فيكون من شركة الشحن مو منهم .. بس عيبه انه مايشحن الا لامريكا للاسف
اخذت منه شغلتين بس :
- فرشة السيتنق من ريل تكنيك // سعرها : 7.99$
- شدو سينقل اظنه كريمي من لوريال // السعر : 7.95
- Amazon -
هالموقع ماحبه ابد ، ليه ؟
اول شيء مايشحن الا لامريكا وبريطانيا اظن
وغير كذا لما تطلبين كذا غرض من موقعهم ماتوصلك مع بعض ، لانو هو فيه زي التجار وكل تاجر يكون له موعد غير للشحن والتسليم فيصير فيه قروشة ، مثل هالطلبية وصلتني نصها وبجلس انتظر النص الثاني يجي وارجع فيديكس عشان استلمها يعني قلققق
وهذا غير انو ممكن الطلبية تتاخر وتاخذ اكثر من شهر والمشكله تكون من نفس التاجر
الاشياء اللي طلبتها ماعرف ايش اسمها ههههه
بس كلها كانت اغراض بسيطة لتزين الاظافر عشان ودي اجرب ارسم على اظافري وكان سعرها رخيص عشان كذا تشجعت وطلبتهم
تتهني فيها :$
ReplyDeleteبس أفضل لك إستخدمي شركة فيها خاصية تجميع، مثل: myus, ws1
راح تجي كل طلباتك بكرتون واحد وأقل سعر
اختي انا طالبه من هاوس اوف لاشز من شهرين وللحين ماوصلني. طرشتلهم كذا ايميل قالو انهم طرشوه. وين بقدر احصله؟
ReplyDeleteوانا بعد طلبت الغرا قالو مايشحنوه ممنوع ؟
ReplyDeleteاذا تبغين شركة تجميع شحنات رخيصة عند fishisfast
ReplyDeleteبس لان الأشتراك فيها مجاني وتصوير الشحنه مجاني فيطولون مره لين يسجلون الشحنة ولين يرسلونها
أذا بالك طويل أنصحك فيها , أما بالنسبة لأمازون ترا في بعض المتاجر توصل للسعودية
والأفضل يكون البائع أمازون أنا عندي شحنة تو طلبتها سماعات وفير وفرش التوصيل مباشر للسعودية دايركت ب 18 دولار