انا ادري انو كلنا عجازات ، اذا جت سالفة تنظيف الوجه من الميك اب خصوصا اذا كنا راجعين من عزيمه واخر الليل اصير ماشوف الا الفراش قدامي ، بس اللي استغرب منه فيه البعض مايعترف بأهمية ازالة الميك اب ابد تلقينها تنام فيه وتصحى وترجع تنام ثانيه وعادي ..
بحكي لكم عن الاضرار بالبداية :
اولاً لازم نعرف انو مو بس ازالة المكياج تكون وقت النوم ، لا حتى لما نسوي ميك اب لفترة الصباح لازم وقت الظهر اذا رجعنا نزيلة مو ننتظر لين يجي وقت النوم ، لان هالوقت الطويل راح تنكتم البشره وماراح تقدر البشرة انها تجدد نفسها تلقائياً.
نجي الحين لفترة الليل ، ايش الاضرار اللي ممكن يسببها المكياج وقت النوم !
- راح تنكتم البشرة وتتسكر المسام والبشرة بتصير ماتقدر تتنفس
- اغلاق المسام راح يؤدي الى ظهور البثور والحبوب
- البثور مع الوقت قد تتحول الى حفر وبقع وتصبغات وومكن نمش
- عالمدى البعيد تظهر التجاعيد بشكل اسرع وبعمر ابكر
^ اتوقع كل هالاسباب تخلينا نحارب النوم ونتحمل ونشيل الميك اب ، ومثل ماقالت ميشيل فان : اذا كان عندك وقت تفرشين اسنانك فاكيد عندك وقت تغسلين وجهك من الميك اب
--
كيف ممكن ازيل الميك اب بطريقة صحيحه واضمن انِ تخلصت منه كله ؟
ايش نحتاج اول :
١/ قطن
٢/ اعواد اذان
٤/ مزيل مكياج عيون
٥/ مزيل مكياج عادي *يناسب نوع البشره*
٦/ غسول مناسب لنوع بشرة الوجة
- تقدرون تستخدمون مزيل واحد للوجه والعيون بس انا افضل استخدام مزيل خاص للعيون خصوصا اذا كانت بشرتك دهنيه -
ومن الاشياء اللي لازم تنتبهون لها اذا كنتم بتشترون ميك اب ريموڤر ، هو انه يكون من شركة طبية ومافيه نسب كحول عشان ماتضر البشرة
ازالة مكياج العيون :
اللي يتابعني من زمان يعرف اني اقدس منطقة حول العين واهتم فيها مرا لان جلدها رقيق مرا ومايستحمل اية شيء فعشان كذا افضل دايم استخدم منتجات خاصه للمنطقه هذي ، استخدمت مزيل مكياج العيون من لوريال ومرا حبيته خفيف ومناسب للعيون الحساسه ويخلينني اشيل الميك اب بسرعه خصوصا انه محلول زي المويا ، وللاسف مخلص وبرجع اجيب زيه جديد .. والطريقة جدا سهله بس اجيب قطنة وابللها بالمحلول واحطها عالعين زي الكماده لعشر ثواني او اكثر بعد كذا امسح بخخخفه بخخفه بخخفه *قلتها ثلاث مرات* لان كثرت الفرك والمسح بقوه لهالمنطقه تطلع لك تجاعيد وتضر المنطقة
بعد كذا اجيب -اعواد الاذان- وابللها بمزيل الميك اب واصير امسح فيه الميك اب اللي يكون على الرموش مثل الاي لاينر الباقي او المسكارا وتحت خظ الرمش وحتى صمغ الرموش
ازالة ميكاج الوجه:
اذا كنتي بتستخدمين مزيل للوجه والعيون فيفضل انك تبدين بازالة مكياج عيونك بعد كذا الوجه ، انا استخدم مزيل من -لَشّ- كتبت عنه اول في انستقرام ، طبعاً ميزته طبيعي ومكوناته طبيعيه مثل الزيت زيتون وزين اللوز ومويا الورد واشياء ثانيه وانا افضل استخدم اشياء طبيعيه دائم ، هو قوامة مثل الزبدة فاخذ منه كمية بسيطة واصير اسوي فيه مساح لوجهي بحيث اتاكد اني وصلت لكل مكان كويس وحتى على رقبتي خصوصا لما اكون راجعه من مناسبة كبيره وحاطه ميكاب كثير ، واخليه على وجهي ممكن خمس دقائق ، بعدها اجيب قطنه وابللها بمويا ورد او مويا عادية *ابللها شيء خفيف مرا* عشام اقدر امسح المزيل اللي على وجهي والميك اب بسهوله ، واصير امسح بحركات خفيفه زي المساج من جوا لبرا وبعدها بحركات دائرية
- مزيل المكياج من قارنيه -
هذا النوع مثل ماهو مكتوب تحت يكون للوجه والعيون وفيه منه ثلاث انواع للبشره الجافه والدهنيه والحساسة على ماذكر ، وهو زي لوشن الحليب يكون قوامة
غسل الوجة :
اغلب البنات يظنون انو استخدام المزيل تبع الميك اب يكفي انها تتخلص منه ، وهذا خطأ لازم غسول والدليل انو وانتِ تستخدمين الغسول بعد مزيل الميك اب تلاحظين موجود باقي لسى ميك اب ، الطريقة ولا اسهل بس جيبي الغسول حقك اللي يكون يناسب نوع بشرتك وحطي شوي بيدك وغسلي وجهك بحركات دائرية خفيفه ، واذا عندك فرشة تنظيف راح يكون احسن لك - انا استخدم هذا الفرشة من اولاي - تسوي مساج للوجه وتنظف بشكل خفيف .
وبس كذا تصيرين تتاكدين انك شلتي كل الميك اب بطريقة صحيحه ان شاءالله وماتضر بشرتك ولاتترك اثر وبعد كذا يمديكم تستخدمون اي منتجات عناية خاصه فيكم من ( تونر ، كريم ترطيب ، عناية ...الخ)
وترا والله الكلام كثير للشرح بس التطبيق سهل وبتتعودون عليه ، ولازم تتذكرون ( اللي يبي الدح مايقول اح ) واللي تبي بشرة صافيه وكويسه ومافيه تجاعيد تحافظ عليها قبل علاجها
دعواتكم
Post a Comment