منتجات ذا بالم لصيف 2015 | thebalm holiday 2015 limited edition

ذا بالم نزلوا من فترة منتجين ليمتد اديشن وهم من مجموعة الصيف وكثير انتشرت وانا من اول ماشفتهم دق قلبي وقلت لازم اطلبهم .. 

راح اكتب ريفيو عن كل المنتجين ورايي فيهم ولمين انصح فيهم

اولاً : باليت الاضاءة - theManizer Sisters "the luminizers" palette

هالباليت ميزته يجمع بين الثلاث اضاءاة اللي من ذا بالم 

- ماوري لو ، mary lou : وهي الاضاءة اللي لونها يجي ذهبي على لؤلؤي وهي من اشهر المنتجات عند ذا بالم وكثير يحبونها ، تناسب اغلب البشرات تقريباً .. الاضاءه هذي قوية تناسب المناسبات من وجهة نظري .

- كاندي لو ، cindy lou : لونها بينك ، كانها بلشر مع لمعه يعني تنفع تستخدمينها كلمعه وبنفس الوقع كبلشر ممكن وماشوفها قوية مثل ماري لو احسها اخف واهدا . وتناسب البشرة البيضاء .

- بيتي لو ، betty lou : وهذي لونها غامق كانه برونز مع لمعه قوية تميل للذهبي ، مرا حلوه للبشرات السمراء او للبنات اللي يسون تان وقت الصيف مع الشمس تطلع بيرفكت . وممكن تستخدمون بيتي لو مع ماري لو راح تعطيكم اضاءة قويه وحلوه.

**

بصراحه اول ماشفت الباليت قلت وااو كل الاضاءات بباليت واحد وسعر رخيص تقريباً بـ28$ : 115ريال 

وطلبته من وحده من تاجرات الانستقرام لان بصراحه ماكان لي خلق اطلب اون لاين وشحن وقلق على شيء بسييط خصوصا ان التاجره كانت توفر المنتج بسعر مقارب لاصلي .

اول ماوصلني المنتج حسيت ان حجمه صغير او بالاصح الصور خداعه ، يعني بالصور يبين اكبر .

وبالنسبة للباكجينق (التغليف) عادي مثل باقي منتجاتهم يعني حلو وعملي وفيه مرايا صغيره عمليه بعد.

بس فيه شغله مانتبهت عليها الا بعدين وهو حجم الاضاءة او كميتها

الاضاءة العادي تكون اكبر من الباليت هذا.

وهنا سواتش لدرجات الاضاءه

بالنهايه هذا الباليت شخصياً مرا حبيته لاني استفيد منه بكل شيء ، واضاءات ذا بالم حلوه ماعليها كلام بس اهم شيء تشوفين ايش تحتاجين اذا فعلاً تحتاجينهم كلهم او نوع واحد يكفيك تشترينه لحال وماتحتاجين الباليت .

ثانياً : باليت In theBalm of Your Hand

هالباليت هذا يجمع كذا شيء :

- 4 الوان من الآي شدو تترواح الوانهم بين الرمادي والعنابي والزيتي ولون نيود على شيمر

- 3 الوان بلشرز من ضمنها اكثر بلشر احبه هوت ماما واللي يشبهونه ببلشر نارس اورقزم .

- برونزر مات ، هم يقولون مات بس فيه لمعه مرا خفيفه لاحظتها.

- اضاءة ماري لو , مو قلت لكم انها مشهوره عندهم يحطونها بكل باليت

- بلشرز ومرطب كريمين بلونين مختلفين ، يعني تقدرون تستخدمونهم كبلشر كريمي او روج للشفايف.

معنا اسم الباليت ( ذا بالم في راحة يديك ) اتوقع قصدهم انو بالبيت صغير على قد يدك فيه كثير شغلات تحتاجينها وتاخذينه مع اي مكان .

الباكجينق عملي ومعه مرايا والصور اللي عليه حبيتها تجمع صور جميع المنتجات المتوفره بالباليت . 

حبيت اكثر شيء فيه البلشرز لاني احب بلشراتهم مرا ، الشدو حلوين بس ماحس اني راح استخدمهم دائماً ، والاضاءة اكتفيت صار عندي منها ثلاث الحين .

بالنسبة للبرونزر ماحسه مرا ناسب بشرتي ، بحاول اعطيه فرصة ثانيه لان اسمع بعض الميك اب ارتست يمدحونه والبعض منهم يحب يستخدمه ككونتور . 

وهنا سواتش للباليت 

سعر المنتج : 140$ - تقريبا 150 ريال

المنتجات تقدرون تطلبونها من موقعهم أو تاجرات الانستقرام